Fréttir

Hin árlega danssýning nemenda í 1. - 6. bekk verður haldin í íþróttahúsinu við Vesturgötu fimmtudaginn 26. apríl klukkan 18:00. Allir velkomnir á pallana og enginn aðgangseyrir.

Dagana 19. - 21. mars verður árshátíð Brekkubæjarskóla haldin á sal skólans.

Fimmtudaginn 22. febrúar klukkan 9:00 er stór morgunstund í íþróttahúsinu við Vesturgötu. Að vanda verður mikið fjör; söngur, hljóðfæraleikur, dans og gleði. Allir velkomnir!

Á morgun, miðvikudag, er spáð mjög hvössu veðri hér á Akranesi. Skólahald verður ekki fellt niður en foreldrar meta hvort þeir senda börnin sín í skóla eða halda þeim heima. Vinsamlegast látið vita á skrifstofuna ef börn verða heima eða skráið þau í Mentor.

Það er löng helgi framundan hjá nemendum því föstudaginn 16. febrúar er skipulagsdagur og mánudaginn 19. febrúar er vetrarfrí. Vonandi ná allir að hlaða batteríin vel í fríinu og mæta eldsprækir aftur í skólann þriðjudaginn 20. febrúar.

Fimmtudaginn 1. febrúar verða foreldraviðtöl í Brekkubæjarskóla. Foreldrar hafa valið sér viðtalstíma í gegnum Mentor, eða fengið úthlutað tíma hjá umsjónarkennara. Athygli er vakin á því að Frístundin Brekkusel verður opin á hefðbundnum tíma, þ.e. frá 13:20 - 16:15 þennan dag fyrir þau börn sem eru skráð í Frístund á fimmtudögum.

Í gær fóru hinir árlegu Fjölgreindaleikar fram í Brekkubæjarskóla.

Miðvikudaginn 10. janúar klukkan 8:40 - 9:00 hefst hin árlega bókamessa í Brekkubæjarskóla með lestrarstundinni ,,Allir lesa". Foreldrar og aðrir aðstandendur nemenda eru hvattir til að mæta og lesa með okkur.