Skólasetning 22. ágúst

Þá er sumarfríi lokið hjá starfsmönnum Brekkubæjarskóla og allir mættir til vinnu spenntir fyrir nýju skólaári.

Það er sérstaklega ánægjulegt að hefja þetta skólaár án allra samkomutakmarkana.

Skólasetning Brekkubæjarskóla verður í íþróttahúsinu við Vesturgötu mánudaginn 22. ágúst kl. 10:00.

Þar verður stutt dagskrá og að henni lokinni fara nemendur með teymunum sínum yfir í skóla.

Nemendur ganga inn um aðalinngang íþróttahússins og fara inn í sal þar sem þeir setjast eins og á morgunstundum. Starfsmenn bekkjanna verða við innganginn og inni í sal til að aðstoða nemendur við að finna svæðið sitt og taka á móti nemendum sem ekki þekkja til.

Við fögnum því sérstaklega að geta boðið foreldrum að mæta aftur á skólasetningu. Foreldrar ganga inn um innganginn sem snýr að Háholti og komast þaðan upp í áhorfendapallana. Það verða starfsmenn þar til að vísa veginn.

Foreldrum 1. bekkinga er að velkomið að setjast með börnunum sínum á gólfið í salnum.

Við hlökkum til að fylla húsið af lífi aftur eftir sumarið og horfum bjartsýnum augum á skólaárið framundan.