Brekkubæjarskóli

Dagana 15. september til 6. október fór Svakalega lestrarkeppnin fram í 108 skólum. Nemendur í 1.-7. bekk tóku þátt og söfnuðu lestrarmínútum fyrir sinn skóla. Krakkarnir í Brekkó tóku vel við sér og lásu af kappi, mörg lásu heima hvern einasta dag keppninnar, þau lásu líka heilmikið í skólanum og jafnvel úti í frímínútum!

Haustfrí Brekkubæjarskóla verður dagana 19. og 20. október. Skólastarf hefst svo að nýju miðvikudaginn 21. október. Við vonum að sem flestir njótis frísins og komi endurnærð tilbaka til þess að takast á við seinni helming annarinnar.

Við viljum þakka foreldrum og forráðamönnum kærlega fyrir góða mætingu á fræðslukvöldið í gær. Kvöldið heppnaðist afar vel og voru erindin bæði áhugaverð og gagnleg.

Á morgun þriðjudaginn 13. október verður fræðslukvöld fyrir foreldra en í boði verða tvö mjög áhugaverð erindi á dagskrá.

Fimmtudaginn 1. október er samtalsdagur hjá okkur í Brekkubæjarskóla. Frístund fyrir nemendur 1. og 2. bekkjar er opin frá kl. 12:00 fyrir þá nemendur sem skráðir eru í frístund.

Brekkubæjarskóli hefur hafið innleiðingu Heillaspora (e. Nurture). Heillaspor er heildræn og tengslamiðuð nálgun í skóla- og frístundastarfi þar sem áhersla er lögð á öryggi, tengsl, inngildingu og virka þátttöku allra barna. Fræðilegur grunnur Heillaspora leggur áherslu á að góð tengsl og tilfinningin fyrir því að tilheyra séu mikilvægar forsendur fyrir vellíðan, þroska og námi.