Menntavísindasvið HÍ stendur fyrir fræðslufundaröð til að styðja við foreldra í samkomubanni og takmörkuðu skólastarfi. Hér verður komið inn á tengsl heimila og skóla, ólíkar námsgreinar og skólastig, leik og upplifun, svefn og heilsu, tómstundir og íþróttir, áhugahvöt og seiglu, bugun og bjartsýni. Smellið á hnappinn til að sjá meira.
Í grunnskólunum á Akranesi er unnið eftir lestrarstefnu þar sem eftirfarandi kennsluaðferðir eru lagðar til grundvallar: Byrjendalæsi, Orð af orði og Gagnvirkur lestur. Á hverjum vetri eru fastir liðir í skólanum sem tengjast lestrarstefnunni s.s. bókamessa í janúar og sameiginleg lestrarstund, Allir lesa, tvisvar á vetri.
Morgunstundir eru haldnar 4 sinnum á hverju skólaári. Veturinn 2019 - 2020 verða morgunstundirnar 10. október, 6. desember, 28. febrúar og 5. júní. Sú síðasta er að auki skólaslitaathöfn.
Brekkubæjarskóli er Grænfánaskóli og við leggjum mikla áherslu á umhverfisvernd. Grænfánanum var fyrst flaggað við skólann árið 2007 og hefur verið endurnýjaður á tveggja ára fresti síðan þá.
Brekkubæjarskóli 
