Hinir árlegu Fjölgreindaleikar fóru fram í skólanum 17. janúar. Þar unnu nemendur í aldursblönduðum hópum margs konar verkefni sem reyndu á mismunandi hæfni. Myndir frá Fjölgreindaleikunum má sjá með því að smella á hnappinn hér að neðan.
Í grunnskólunum á Akranesi er unnið eftir lestrarstefnu þar sem eftirfarandi kennsluaðferðir eru lagðar til grundvallar: Byrjendalæsi, Orð af orði og Gagnvirkur lestur. Á hverjum vetri eru fastir liðir í skólanum sem tengjast lestrarstefnunni s.s. bókamessa í janúar og sameiginleg lestrarstund, Allir lesa, tvisvar á vetri.
Morgunstundir eru haldnar 4 sinnum á hverju skólaári. Veturinn 2017 - 2018 verða morgunstundirnar 5. október, 14. desember, 16. febrúar og 5. júní. Sú síðasta er að auki skólaslitaathöfn.
Brekkubæjarskóli er Grænfánaskóli og við leggjum mikla áherslu á umhverfisvernd. Grænfánanum var fyrst flaggað við skólann árið 2007 og hefur verið endurnýjaður á tveggja ára fresti síðan þá.
Brekkubæjarskóli